Ялгыз яшәүче әби-бабайларга ярдәм бик кирәк шул. Кайбер йорт эшләрен эшли алсалар да, җылы сүз, якты карашка да мохтаҗ алар. Затон урта гомуми белем бирү мәктәбенең 5 нче сыйныф укучылары, ярдәм итү теләге белән, ялгыз яшәүче Гәйнуллин Ильяс Насыйп улы янына килделәр. Араларында рус балалары күп булса да, укучылар барысы да матур итеп татарча исәнләштеләр, Ильяс абыйның хәлен сораштылар. Хуҗалык эшләре буенча ярдәм кирәк булмаса да, Ильяс абый балаларның килүенә, аларның җылы сүзләренә бик шатланды. Балалар Ильяс абыйга нык сәламәтлек, озын гомер теләделәр.